Bolgarevo (Gäur Süütçüü) küüyüdä gagauzların durumu (devamı)
Bulgariyanın Bolgarevo (Gäur Süütçüü) küüyündä büün da taa yaşêêr gagauzlar. Gençlär artık kendilerini gagauz saymêêr, ama ihtiarlar tutêr aklında, kim onnar, nesoy onnarın kökleri. 90 yaşın içindä olan Elena Markova lafeder pak, gözäl, şıralı gagauz dilindä, angısını hiç yok nasıl doymaa seslemää. Ondan var nasıl işitmää bölä lafları: dokurcun, elli ikinin duuması, bereket versin, çok sürtmedi. Bir başka karı çalêr gagauz türkülerini hem maanilerini, kär ölä, nicä çalêrız biz, Besarabiya gagauzları:
Aya baktım - ay ayaz, Kıza baktım - kız biyaz, Cebimä saldım - para az, Bu kız bizä yaramaz.
Biz büün lääzım oradakı gagauzlara yardımcı olalım, birlik olalım. Bu bizdän biter, diil mi bunun için da kuruldu devletimiz?
.
.
.
.
.
.
.
.
.
.
.
.
.
.
.
.
.
.
.
.
.
.
]
