.
.
.
.
.
.
.
.
.
.
.
.
.
.
.
.
.
.
.
.
.
.
| Главная » Статьи » Новости Гагаузии | [ Добавить статью ] |
Союз гагаузов Украины" осудил агрессивную выходку против Башкана
 Gagauzlarda ne zamandan beeri bölä annaşmak olêr? Bütün Ukraina Cümnä Kuruşu ‘Ukraina Gagauzların Birlii’ www.gagauztv.md saytında, 13.02.20012. ‘Haberlär’ programasından hem da gagauz internet gazetalarından da üürendi ki, Gagauz Yeri Başkanatında açan yapılmış toplantı Gagauz Yerin Başkanı Mihail Makaroviç. Formuzalın tarafından primarlarnan toplantı sırasında çıkmiş kavga. Bu kavgada ‘Haberlär’ programasında da gördük, nasın Gagauz Yeri Başkanı Mihail Makaroviçä karşı aip laflar baarılmış hem el kaldırılmış. Isteriz bildirilem ki, Ukraina’da yaşayan gagauzlar hem Gagauz Yerindä yaşayan gagauzlar bir halk, makar ki, sınırlar bizi ayırdı. Onun için açan bizim kardaşımızın açıyer bir parmaa , bizim bırda can erimiz sızlêr. Onun için da bitki vakıt yapılan bu türlü kavgalar bizi yakışmêr bıraksın kasavetsiz. Paalı dostlar,kardaşlar, Gagauz Yeri Otonom Bölgesinin kurulmasından beeri geçti 20 yıldan zeedä. Bu vakıdın içindä vardı hem zor hem da kolay vakıtlar, hem gücenik hem da sevinmeli günnerimiz. Ama vakıt ilerledikçä biz, gagauzlar gösterdik ki ,biz var nasın bütün problemaları nasın da ikide birdä açıklêr Gagauz Yeri Başkanı M.M.Formuzal, çözelim aramızda kavgasız. Hem herbir problemayı çözmää deeni , nasın da geçer gagauz aylesindä ,çok kerem sokaa lafımızı taşımadık, kendimizi da utandırmadık. Lääzım sölemää ki, kendi serbestliliini Gagauz Yeri kazanarkana da cengin karşısına geçti da kan akıtmadan barış yolunnan dübüdüz dünneeya gözäl bir örnek oldu. Ama belli ani bitki vakıt bu uzlaşma pek olmêr. Saygılı Gagauz Yeri Başkanatın hem Halk Topluşunun paalı azaları, Oldu iki kerem sıravardı nasın gagauz halkın arasında yapılêr Başkan seçimneri da halk seçer Mihail Makaroviç Formuzalı. Gagauz seçim kanonlarında da yazılı ki, açan seçiler o kişi kim ki taa çok ses kazandı halkın arasında , o zaman o 4 yıl için olêr Gagauz Yeri ‘nin Başkanı. Bu insan bir taraftan halkın karşısında cuvapçıykan, , öbür taraftan da halk o kişiye saygı duyer, onun Başkannıında teklif edilän hem Halk Topluşu tarafından onaylanan kanonları sayer. Onun için gagauzları temsil eden Başkan’a karşı sölenän azarlıycı , aip laflar hem el kaldırmakları gagauz halkına yapılan bir adım gibi sayılêr. Biz Bütün Ukraina Cümnä Kuruluşu ‘Ukraina gagauzları birlii’ bu durumu ayıplêrız hem inanêrız ki Gagauz Yeri Başkanatın hem Halk Topluşun arasındakı bu ayıp kavga hem yannış adınnar, kendi ambitsiyalarını bir tarafa bırakıp çözülecek . Saygılarımnan Dernek Başkanı F.I.ARNAUT | |
| Просмотров: 1558 | Теги: | Рейтинг: 0.0/0 |
| Всего комментариев: 0 | |
Похожие новости
]
